काठमाडौं । अन्तर्राष्ट्रिय बजारमा पेट्रोलियम पदार्थको मूल्य बृद्धि भएको भन्दै नेपाल आयल निमगले पेट्रोल, डिजेल र मट्टितेलको मूल्य बृद्धि गरेको छ । आज राति १२ बजेदेखि लागू हुनेगरी निगमले पेट्रोल, डिजेल र मट्टितेलको प्रतिलिटर ३–३ रुपैयाँ बृद्धि गरेको आयल निगमले जनाएको छ ।

निगमले हाल पेट्रोलको प्रतिलिटर १७५, डिजेल र मट्टितेलको प्रतिलिटर १७२ रुपैयाँ प्रतिलिटर रहेको छ । अब राति १२ बजेदेखि पेट्रोल प्रतिलिटर १७८ रुपैयाँ पुग्ने छ भने डिजेल र मट्टितेलको १७५ रुपैयाँ प्रतिलिटर हुने छ । हवाई इन्धन र ग्याँसको मूल्य भने यथावत रहेको निगमले जनाएको छ ।

सबै क्षेत्रमा महँगीले आकाश छुएको बेला निगमले पेट्रोलियम पदार्थको मूल्यबृद्धि भएपछि झनै सर्वसाधारणमाथि भार थपिने छ ।

प्रकाशित समय २२:०५ बजे