भ्वाइस अफ नेपाल सिजन–१ का बिजेता तथा पछिल्लो समयका चर्चित गायक सिडि बिजय अधिकारीको नयाँ गीत ‘सिकारी–२’को म्युजिक भिडियो फुलपातीका दिन सार्वजनिक हुने भएको छ ।

गतवर्ष ‘सिकारी’ गीत सार्वजनिक गरेका अधिकारीका सबैजसो गीत नेपाली सांगितीक बजारमा लोकप्रिय बनेका छन । युटयुवमा पाँच मिलियनभन्दा बढी भ्युअर्स कमाएको ‘सिकारी’ गीतको नयाँ भर्सनसहित ‘सिकारी–२’ बजारमा ल्याउन लागिएको निर्माण पक्षले जनाएको छ ।

सिडिएम म्युजिक क्रिएसनको व्यानरमा निर्माण भएको ‘सिकारी–२’मा अधिकारीको आवाज रहेको छ भने राजकुमार बगरको शब्द–संगित रहेको छ । सन्तोष राजवाहकले निर्देशन गरेको म्युजिक भिडियो काभ्रेपलाञ्चोकका विभिन्न रमणियस्थलमा छायांकन गरिएको छ ।

म्युजिक भिडियोमा पछिल्लो समयमा व्यस्त र चर्चाको शिखर चुमिरहेका दिपेन्द्र राज गिरीका साथमा स्वयं गायक अधिकारी, शिशिर भण्डारी, निक्स शर्मा, कृषला तामाङ तथा अनिषा ओलीको अभिनय देख्न सकिन्छ ।

करिब २ हप्ता अघिमात्र ‘मेरो लासको मलामी’ गीतको फिमेल भर्सन बजारमा ल्याएका अधिकारीको उक्त गीतमा पनि दिपेन्द्रराज गिरीको अभिनय देख्न सकिन्छ । उक्त गीतले बजारमा अहिले राम्रो प्रतिक्रिया र भ्युअर्स पाइरहेको छ ।

प्रकाशित समय २१:३६ बजे