काठमाडौं । नेपाल एसबिआई बैंक लिमिटेडले आफ्नो ३३औं वार्षिकोत्सवको अवसरमा सातै प्रदेशका कर्मचारीहरूको सहभागीतामा फुटसलको आयोजना गरेको छ । २०८३ असार २८ गते काठमाडौंस्थित धनयन्तरी फुटसल मैदानमा सम्पन्न उक्त प्रतियोगितामा बैंकका सातै प्रदेश तथा प्रधान कार्यालयका कर्मचारीहरूको उत्साहजनक सहभागिता रहेको थियो । उक्त प्रतियोगिताले कर्मचारीहरू बीच आपसी समन्वय, सहकार्य र स्वस्थ जीवनशैली प्रवर्द्धन गर्न महत्वपूर्ण भूमिका खेल्नुका साथै, कार्यस्थल बाहिर पनि टीमवर्क र सकारात्मक ऊर्जा विकास गर्न यस्ता खेलकुद गतिविधिहरू उपयोगी हुने विश्वास बैंकले व्यक्त गरेको छ ।

प्रतियोगितामा बैंकको व्यवस्थापन टोलीहरु र महिला टोलीहरुबीच प्रदर्शनी खेलहरू आयोजना गरिएको थियो भने पुरुषतर्फ प्रदेश कार्यालय र केन्द्रीय कार्यालयका टोलीहरूबीच प्रतिस्पर्धा भएको थियो । कार्यक्रममा बैंकका उच्च व्यवस्थापन समेत सक्रिय सहभागीता रहेको थियो, जसमा बैंकका प्रबन्ध सञ्चालक तथा प्रमुख कार्यकारी अधिकृत रामकुमार तिवारी, नायब प्रमुख कार्यकारी अधिकृत तथा प्रमुख सञ्चालन अधिकृत विकास आनन्द, प्रमुख वित्तिय अधिकृत राजेशकुमार पण्डा, प्रमुख व्यवसाय प्रबद्र्धन अधिकृत, प्रविणमुनि बज्राचार्य, प्रमुख कर्जा अधिकृत रोशन कोइराला, बागमति प्रदेश प्रमुख सुशिलराज श्रेष्ठ र बैंकका अन्य वरिष्ठ अधिकारीहरूको उपस्थिति रहेको थियो । देशभरिबाट १५० भन्दा बढी कर्मचारीहरूको सक्रिय सहभागिता रहेको उक्त प्रतियोगितामा कर्मचारीहरूले उत्साहपूर्वक सहभागीता जनाउँदै संस्थाभित्र एकता र सहकार्यको भावनालाई थप सुदृढ बनाएका थिए ।

कार्यक्रम समापनका अवसरमा बैंकका प्रबन्ध सञ्चालक तथा प्रमुख कार्यकारी अधिकृत रामकुमार तिवारी, नायब प्रमुख कार्यकारी अधिकृत तथा प्रमुख सञ्चालन अधिकृत विकास आनन्दले विभिन्न विधाका विजेता तथा सहभागी टोलीहरूलाई पुरस्कार, प्रमाणपत्र वितरण गर्नुभएको थियो । प्रबन्ध सञ्चालक तथा प्रमुख कार्यकारी अधिकृतले देशभरका कर्मचारीहरूको सक्रिय सहभागिताप्रति आभार व्यक्त गर्दै यस्ता कार्यक्रमहरूले बैंकको कर्मचारी संलग्नता, सहकार्य र स्वस्थ संस्थागत संस्कृतिलाई अझ सुदृढ बनाउने कुरामा जोड दिनुभयो ।

नेपाल एसबिआई बैंकले बिगत ३२ वर्षदेखि बैंकिङ सेवा प्रदान गर्दै आईरहेकोे छ । हाल बैंकका १०३ शाखा, २२ एक्स्टेन्सन काउन्टर, ७ प्रादेशिक कार्यालय, २१ शाखा रहीत बैंकिङ, १२७ एटिएम र १ कर्पोरेट कार्यालय सञ्चालनमा छन् ।

प्रकाशित समय १८:१३ बजे