काठमाडौं । नेपालको सबैभन्दा जेठो बैंक नेपाल बैंक लिमिटेड (एनबीएल) स्थापना भएको ८८ वर्ष पूरा गरी आजदेखि ८९ वर्षमा प्रवेश गरेको छ । वि.सं. १९९४ साल कार्तिकमा स्थापना भएको एनबीएल देशको पहिलो वाणिज्य बैंकका रूपमा परिचित छ । यसले नेपालमा औपचारिक बैंकिङ सेवाको प्रारम्भ गर्नुका साथै स्वदेशी मुद्रा प्रचलनलाई सुव्यवस्थित बनाउन निर्णायक योगदान दिएको मानिन्छ ।

विभिन्न आरोह-अवरोह खेपेको नेपाल बैंकले प्रतिस्पर्धी बैंकिङ वातावरणमा आफूलाई सबल र प्रभावकारी संस्थाको रूपमा उभ्याउन सफल भएको छ । बैंकले हाल २३१ शाखा, ९१ एक्सटेन्सन काउन्टर, २३७ एटिएम तथा डिजिटल माध्यममार्फत देश-विदेशमा रहेका करिब २० लाख ग्राहकलाई सेवा प्रदान गरिरहेको छ ।

प्रकाशित समय २१:५० बजे