काठमाडौं । नेपाल राष्ट्र बैंकबाट भुक्तानी प्रणाली सञ्चालक अनुमतिपत्रप्राप्त संस्था स्मार्ट च्वाइस टेक्नोलोजिज लिमिटेड र नेपालमा १२० भन्दा बढी शाखा रहेको ग्राहकहरूमा लोकप्रिय सुपरमार्केट बिगमार्ट प्रालिले यसपाली दशैंको उपलक्ष्यमा स्मार्ट क्युआरबाट भुक्तानी गर्ने ग्राहकहरूलाई १० प्रतिशत छुट दिने भएको छ ।

यहि असोज १३ देखि शुरु भई असोज १६ सम्मका लागि यो अफर लागू हुनेछ । अफर अन्तर्गत ग्राहकहरूले स्मार्ट क्युआरबाट भुक्तानी गर्दा एकचोटीको बिलमा अधिकतम १०० हुने गरी १० प्रतिशतको छुट पाउनेछन् र प्रत्येक ग्राहकले अधिकतम ५०० सम्मको छुट पाउनेछन् । बिगमार्टको सम्पूर्ण शाखामा स्मार्ट क्यूआरमा आबद्ध भएका इ वालेट तथा बैंकका मोबाइल बैंकिङ एप्लिकेशन प्रयोगकर्ताहरू, जस्तै एनआईसी एसिया बैंक, ग्लोबल आइएमई बैंक, एनएमबि बैंक, हिमालयन बैंक, एभरेस्ट बैंक, कामना सेवा विकास बैंक, खल्ती, आइएमई पे, नमस्ते पे, प्रभु पे, मोरु, माइ पे, साथै विभिन्न सहकारीका एपमार्फत भुक्तानी गर्न सकिन्छ ।

क्यूआर कोडका लागि प्रचलित अन्तराष्ट्रिय मापदण्ड इ.एम.भि. स्टान्डर्ड पालना गर्दै नेपाल क्यूआर स्टान्डर्ड अन्तर्गत जारी हुने स्मार्ट क्यूआर नेपालको पहिलो इन्टरअपरेवल क्यूआर कोड हो । स्मार्ट क्युआरले विभिन्न बैंक तथा वित्तीय संस्थाका मोबाइल बैंकिङ एप्स तथा डिजिटल वालेटमार्फत सहज र सुरक्षित भुक्तानी सुनिश्चित गर्दछ ।

प्रकाशित समय १८:३६ बजे